KAZSAT-2
«KazSat-2» ғарыш аппараты 2011 жылғы 16 шілдеде «Байқоңыр» ғарыш айлағынан геостационарлық орбитаға (ГСО) ұшырылды.
KAZSAT-3
«KazSat-3» ғарыш аппаратын ГСО ұшыру 2014 жылы 28 сәуірде «Байқоңыр» ғарыш айлағынан жүргізілді.
«Ақкөл» жерден басқару кешені
2005 жылғы желтоқсанда Қазақстан Республикасының елордасы Астана қаласына жақын жердегі Ақкөл қаласының көрікті орман алқабында бірінші қазақстандық ғарыштық аппараттарды жерүсті басқару кешені және байланыс мониторингі жүйесі құрылды
«Көктерек» резервтік жерден басқару кешені
2013 жылы 28 маусымда «Алматы» РЖБК құрылысы аяқталды, мемлекеттік қабылдау және кешенді пайдалануға енгізу жүргізілді.

Құрметті біздің сайттың қонақтары!

2019 жылдың наурыз айында ҚР Қорғаныс және аэроғарыш өнеркәсібі министрлігі Аэроғарыш комитетінің «Республикалық ғарыштық байланыс орталығы» АҚ (РҒБО) құрылғанына 15 жыл толды.

«РҒБО» АҚ ресурстары байланыс және хабар таратудың тиімді және сенімді арналарын қамтамасыз ететін «KazSat» ғарыштық спутниктік жүйесін (ҒСЖ) сәтті пайдалануды жүргізіп отыр. Бүгінгі күні «РҒБО» АҚ цифрлық телерадио хабарларын таратуды (HD, DTH, IPTV), Интернет желісіне кең жолақты қолжетімділікті, деректерді беруді ұйымдастыру үшін телекоммуникациялық операторларға, ұлттық холдингтерге, мемлекеттік органдар мен Қазақстанның жеке компанияларына «KazSat» байланыс спутниктерінің қызметтерін ұсынады. ҒСЖ қамту аймағына Қазақстан Республикасының барлық аумағы, Өзбекстан, Тәжікстан, Түркіменстан, Қырғызстан және Ресей Федерациясының орталық бөлігі кіреді.

«KazSat» ҒСЖ жұмысын үздіксіз қамтамасыз етіп тұрған «Ақкөл» Ғарыштық байланыс орталығының және «Көктерек» резервтік жерүсті басқару кешенінің жобасы сәтті жүзеге асырылды.

«Көктерек» Ғарыштық байланыс орталығы базасында құрылған Телепорт көлік және логистика, ауыл шаруашылығы, еліміздің шалғай өңірлерінің қажеттіліктері үшін сенімді байланыс инфрақұрылымын ұсынады.

ҚР Үкіметінің шешімімен «РҒБО» АҚ Қазақстан Республикасының ғарыштық байланыс ұлттық операторы болып белгіленді, бүгінгі күні "KazSat" ғарыштық спутниктік жүйесі «Цифрлық Қазақстан» мемлекеттік бағдарламасын іске асырудың құрамдас бөлігі болып табылады.

«РҒБО» АҚ-ның құрылғанына 15 жыл толуы айтулы күні құрметіне Астанада халықаралық ғылыми-практикалық конференция өтеді, онда Қазақстанның осы кезеңдегі ғарыштық байланысын дамыту қорытындылары ұсынылады. Форумға әлемнің әр түрлі елдерінен келген қонақтардың, ғарыштық спутниктік жүйелер саласындағы әріптестердің қатысуымен ғарыштық технологиялар саласындағы қазіргі заманғы даму үрдістерін, жаңа перспективаларды талқылау, тәжірибе мен білім алмасу жоспарланып отыр. Астанадағы конференция біздің достарымызды, әріптестерімізді, мамандарды жинайды, ғарыштық байланыс жүйесін дамыту мен жаңғыртудағы жаңа тәсілдерді талқылау үшін тиімді алаң болады деп үміттенеміз.

Ізгі тілекпен,
"РҒБО" АҚ Президенті Б. Құдабаев

register banner kz

Компания туралы

«Республикалық ғарыштық байланыс орталығы» Қазақстан Республикасы Үкіметінің 2003 жылғы 30 желтоқсандағы №1355 қаулысына сәйкес 2004 жылғы 18 наурызда құрылды.

Бүгінгі күні Республикалық ғарыштық байланыс орталығы Қазақстанның телекоммуникация рыногындағы байланыс мәселелері бойынша қызметті жүзеге асыратын жетекші кәсіпорындардың бірі болып табылады. Республикалық ғарыштық байланыс орталығының мамандары Қазақстан Республикасының және шектес мемлекеттердің аумағында байланысты және телевизиялық хабар таратуды ұйымдастыруға және деректерді беруді жүзеге асыруға арналған бірінші қазақстандық орбиталық спутниктік топтастықты құру бойынша жұмыстар жүргізуде.

Байланыс саласындағы жұмыс тәжірибесі, білікті қызметкерлер құрамы және қолданылатын қазіргі заманғы техникалық шешімдер біздің әріптестерімізбен  өзара іс-қимылдың негізі болып табылады және біздер ұсынатын қызметтерді пайдаланушыларға қызмет көрсетудің жоғары деңгейін  қамтамасыз етеді.

 

«KazSat» ұлттық ғарыштық байланыс жүйесі

 

KAZSAT-2

KAZSAT-3

«Ақкөл» ҒБО

«Көктерек» ҒБО